ὅρα. τίς ἄρʼ ἦν; ποῦ ναίει;
ποῦ κυρεῖ ἐκτόπιος συθεὶς ὁ πάντων
120
ὁ πάντων ἀκορέστατος;
προσδέρκου λεῦσσέ νιν,
προσπεύθου πανταχῇ.
πλανάτας πλανάτας τις ὁ πρέσβυς οὐδʼ
125
ἔγχωρος· προσέβα γὰρ οὐκ
ἄν ποτʼ ἀστιβὲς ἄλσος ἐς
τᾶνδʼ ἀμαιμακετᾶν κορᾶν,
ἃς τρέμομεν λέγειν
130
καὶ παραμειβόμεσθʼ ἀδέρκτως,
ἀφώνως, ἀλόγως τὸ τᾶς.
εὐφάμου στόμα φροντίδος
ἱέντες, τὰ δὲ νῦν τινʼ ἥκειν
Χορός
λόγος οὐδὲν ἅζονθʼ,
135
ὃν ἐγὼ λεύσσων περὶ πᾶν οὔπω
δύναμαι τέμενος
γνῶναι ποῦ μοί ποτε ναίει.
ὅδʼ ἐκεῖνος ἐγώ· φωνῇ γὰρ ὁρῶ,
τὸ φατιζόμενον.
140
ἰὼ ἰώ,
δεινὸς μὲν ὁρᾶν, δεινὸς δὲ κλύειν.
μή μʼ, ἱκετεύω, προσίδητʼ ἄνομον.
Ζεῦ ἀλεξῆτορ, τίς ποθʼ ὁ πρέσβυς;
οὐ πάνυ μοίρας εὐδαιμονίσαι
145
πρώτης, ὦ τῆσδʼ ἔφοροι χώρας.
δηλῶ δʼ· οὐ γὰρ ἂν ὧδʼ ἀλλοτρίοις
ὄμμασιν εἷρπον
κἀπὶ σμικροῖς μέγας ὥρμουν.
ἐή, ἀλαῶν ὀμμάτων
150
ἆρα καὶ ἦσθα φυτάλμιος; δυσαίων
μακραίων γʼ, ὅσʼ ἐπεικάσαι.
ἀλλʼ οὐ μὰν ἔν γʼ ἐμοὶ
προσθήσει τάσδʼ ἀράς.
155
περᾷς γάρ, περᾷς· ἀλλʼ ἵνα τῷδʼ ἐν ἀ-
φθέγκτῳ μὴ προπέσῃς νάπει
ποιάεντι, κάθυδρος οὗ
κρατὴρ μειλιχίων ποτῶν
160
ῥεύματι συντρέχει,
τόν, ξένε πάμμορʼ, εὖ φύλαξαι;
μετάσταθʼ ἀπόβαθι. πολ-
λὰ κέλευθος ἐρατύει·
165
κλύεις, ὦ πολύμοχθʼ ἀλᾶτα;
λόγον εἴ τινʼ οἴσεις
πρὸς ἐμὰν λέσχαν, ἀβάτων ἀποβάς,
ἵνα πᾶσι νόμος,
φώνει· πρόσθεν δʼ ἀπερύκου.
170
θύγατερ, ποῖ τις φροντίδος ἔλθῃ;
ὦ πάτερ, ἀστοῖς ἴσα χρὴ μελετᾶν,
εἴκοντας ἃ δεῖ κἀκούοντας.
πρόσθιγέ νύν μου.
ψαύω καὶ δή.
ὦ ξένε, μὴ δῆτʼ ἀδικηθῶ σοὶ
175
πιστεύσας καὶ μεταναστάς.
οὔ τοι μήποτέ σʼ ἐκ τῶνδʼ ἑδράνων,
ὦ γέρον, ἄκοντά τις ἄξει.
Οἰδίπους
ἔτʼ οὖν;
Χορός
ἔτι βαῖνε πόρσω.
Οἰδίπους
ἔτι;
Χορός
180
προβίβαζε, κούρα,
πόρσω· σὺ γὰρ ἀΐεις.
Ἀντιγόνη
ἕπεο μάν, ἕπεʼ ὧδʼ ἀμαυρῷ κώλῳ, πάτερ, ᾇ σʼ ἄγω.
Χορός
τόλμα ξεῖνος ἐπὶ ξένης,
185
ὦ τλάμων, ὅ τι καὶ πόλις
τέτροφεν ἄφιλον ἀποστυγεῖν
καὶ τὸ φίλον σέβεσθαι.
Οἰδίπους
ἄγε νυν σύ με, παῖ,
ἵνʼ ἂν εὐσεβίας ἐπιβαίνοντες
190
τὸ μὲν εἴποιμεν, τὸ δʼ ἀκούσαιμεν,
καὶ μὴ χρείᾳ πολεμῶμεν.
Χορός
αὐτοῦ· μηκέτι τοῦδʼ αὐτοπέτρου βήματος ἔξω πόδα κλίνῃς.
Οἰδίπους
οὕτως;
Χορός
ἅλις, ὡς ἀκούεις.
Οἰδίπους
195
ἦ ἑσθῶ;
Χορός
195
λέχριός γʼ ἐπʼ ἄκρου
λᾶος βραχὺς ὀκλάσας.
Ἀντιγόνη
πάτερ, ἐμὸν τόδʼ· ἐν ἁσυχαίᾳ
Οἰδίπους
ἰώ μοί μοι.
Ἀντιγόνη
βάσει βάσιν ἅρμοσαι,
200
γεραὸν ἐς χέρα σῶμα σὸν
προκλίνας φιλίαν ἐμάν.
Οἰδίπους
ὤμοι δύσφρονος ἄτας.
Χορός
ὦ τλάμων, ὅτε νῦν χαλᾷς,
αὔδασον, τίς ἔφυς βροτῶν;
205
τίς ὁ πολύπονος ἄγει; τίνʼ ἂν
σοῦ πατρίδʼ ἐκπυθοίμαν;
Οἰδίπους
ὦ ξένοι,
ἀπόπτολις· ἀλλὰ μὴ
Χορός
τί τόδʼ ἀπεννέπεις, γέρον;
Οἰδίπους
210
μὴ μὴ μή μʼ ἀνέρῃ τίς εἰμι,
μηδʼ ἐξετάσῃς πέρα ματεύων.
Χορός
τί τόδʼ;
αἰνὰ φύσις.
αὔδα.
Οἰδίπους
τέκνον, ὤμοι, τί γεγώνω;
Χορός
τίνος εἶ σπέρματος, ὦ ξένε, φώνει, πατρόθεν.
Οἰδίπους
215
ὤμοι ἐγώ, τί πάθω, τέκνον ἐμόν;
Ἀντιγόνη
λέγʼ, ἐπείπερ ἐπʼ ἔσχατα βαίνεις.
Οἰδίπους
ἀλλʼ ἐρῶ· οὐ γὰρ ἔχω κατακρυφάν.
Χορός
μακρὰ μέλλετον, ἀλλὰ τάχυνε.
Οἰδίπους
220
Λαΐου ἴστε τινʼ;
220
ὢ ἰοὺ ἰού.
τό τε Λαβδακιδᾶν γένος;
ὦ Ζεῦ.
ἄθλιον Οἰδιπόδαν;
σὺ γὰρ ὅδʼ εἶ;
δέος ἴσχετε μηδὲν ὅσʼ αὐδῶ.
Χορός
ἰὼ ὢ ὤ.
δύσμορος.
ὢ ὤ.
Οἰδίπους
225
θύγατερ, τί ποτʼ αὐτίκα κύρσει;
Χορός
ἔξω πόρσω βαίνετε χώρας.
Οἰδίπους
ἃ δʼ ὑπέσχεο ποῖ καταθήσεις,
Χορός
οὐδενὶ μοιριδία τίσις ἔρχεται
230
ἃν προπάθῃ τὸ τίνειν· ἀπάτα δʼ ἀπά-
ταις ἑτέραις ἑτέρα παραβαλλομέ-
να πόνον, οὐ χάριν, ἀντιδίδωσιν ἔ-
χειν. σὺ δὲ τῶνδʼ ἑδράνων πάλιν ἔκτοπος
αὖθις ἄφορμος ἐμᾶς χθονὸς ἔκθορε,
235
μή τι πέρα χρέος
ἐμᾷ πόλει προσάψῃς.
Ἀντιγόνη
ὦ ξένοι
αἰδόφρονες, ἀλλʼ ἐπεὶ
γεραὸν πατέρα τόνδʼ ἐμὸν
240
οὐκ ἀνέτλατʼ, ἔργων
ἀκόντων ἀΐοντες αὐδάν,
ἀλλʼ ἐμὲ τὰν μελέαν, ἱκετεύομεν, ὦ ξένοι, οἰκτίραθʼ, ἃ
πατρὸς ὑπὲρ τοὐμοῦ μόνου
ἄντομαι οὐκ ἀλαοῖς προσορωμένα
245
ὄμμα σὸν ὄμμασιν, ὥς τις ἀφʼ αἵματος
ὑμετέρου προφανεῖσα, τὸν ἄθλιον
αἰδοῦς κῦρσαι· ἐν ὔμμι γὰρ ὡς θεῷ
κείμεθα τλάμονες. ἀλλʼ ἴτε, νεύσατε τὰν ἀδόκητον χάριν·
250
πρός σʼ ὅ τι σοι φίλον ἐκ σέθεν ἄντομαι,
ἢ τέκνον ἢ λέχος ἢ χρέος ἢ θεός·
οὐ γὰρ ἴδοις ἂν ἀθρῶν βροτὸν ὅστις ἄν,
εἰ θεὸς ἄγοι,
ἐκφυγεῖν δύναιτο.
Tap any Greek word to look it up