stoa0079
Book 22
§22.2 Trapetum hoc modo accommodare oportet. librator uti statuatur pariter ab labris. digitum minimum orbem abesse oportet ab solo mortari. orbes cavere oportet nequid mortarium terant. inter orbem et miliarium unum digitum interesse oportet. si plus intererit atque orbes nimium aberunt, funi circumligato miliarium arte crebro, uti expleas quod nimium interest. si orbes altiores erunt atque nimium mortarium deorsom teret, orbiculos ligneos pertusos in miliarium in columella supponito, eo altitudinem temperato. eodem modo latitudinem orbiculis ligneis aut armillis ferreis temperato, usque dum recte temperabitur. Trapetus emptus est in Suessano (??) CCCC et olei PL. conposturae (??) LX: vecturam boum, operas VI, homines VI cum bubulcis (??) LXXII: cupam ornatam (??) LXXII, pro oleo (??) XXV: S. S. (??) DCCXXVIIII. Pompeis emptus ornatus (??) CCCXXCIIII: vecturam (??) CCXXC: domi melius concinnatur et accommodatur, eo sumpti opus est (??) LX: S. S. (??) DCCXXIIII. si orbes in veteres trapetos parabis, medios crassos P. I digitos III, altos P. I, foramen semipedem quoquo vorsum. eos cum advexeris, ex trapeto temperato. ii emuntur ad Rufri macerias (??) CXXC, temperantur (??) XXX. tantidem Pompeis emitur.
Tap any Latin word to look it up
An open-access project
—

Tap any Latin word to look it up