Si quis Avitacum dignaris visere nostram,
non tibi displiceat: sic quod habes placeat.
aemula Baiano tolluntur culmina cono
parque cothurnato vertice fulget apex.
5
garrula Gauranis plus murmurat unda fluentis
contigui collis lapsa supercilio.
Lucrinum stagnum dives Campania nollet,
aequora si nostri cerneret illa lacus,
illud puniceis ornatur litus echinis:
10
piscibus in nostris, hospes, utrumque vides.
si libet et placido parthis gaudia corde,
quisquis ades, Baias tu facis hic animo.
Tap any Latin word to look it up