Pardalisca
Nec pol ego Nemeae credo neque ego Olympiae
760
neque usquam ludos tam festivos fieri
quam hic intus fiunt ludi ludificabiles
seni nóstro et nostro Olympioni vilico.
omnes festinant intus totis aedibus,
senex ín culina clamat, hortatur coquos:
765
“quin agitis hodie? quin datis, si quid datis?
properate, cenam iam esse coctam oportuit.”
vilicus is autem cum corona, candide
vestitus, lautus exornatusque ambulat.
illae autem armigerum in cubiculo exornant duae,
770
quem dent pro Casina nuptum nostro vilico.
sed nimium lepide dissimulant, quasi nil sciant
fore huius quod futurumst; digne autem coqui
nimis lépide ei rei dant operam, ne cenet senex,
aulas pervortunt, ignem restingunt aqua:
775
illarum oratu faciunt; illae autem senem
cupiunt extrudere incenatum ex aedibus,
ut ipsae solae ventres distendant suos.
novi ego illas ambestrices: corbitam cibi
comesse possunt. sed aperitur ostium.
Lysidamvs
780
Si sapitis, uxor, vos tamen cenabitis,
cena ubi erit cocta; égo ruri cenavero.
nam novom maritum ét novam nuptam volo
rus prosequi, novi hominum mores maleficos,
ne quis eam abripiat. facite vostro animo volup.
785
sed properate istum atque istam actutum emittere,
tandem ut † veniamus luci; égo cras hic ero.
cras habuero, uxor, ego tamen convivium.
Pardalisca
Fit quod futurum dixi: incenatum senem
foras extrudunt mulieres.
Lysidamvs
Quid tu hic agis?
Pardalisca
790
Ego eo quo me ipsa misit.
Lysidamvs
790
Veron?
Pardalisca
790
Serio.
Lysidamvs
Quid hic speculare?
Abi:
Pardalisca
Nil equidem speculor.
Lysidamvs
tu hic cunctas, intus alii festinant.
Pardalisca
Eo.—
Lysidamvs
Abi hinc sis ergo, pessumarum pessuma.
iamne abiit illaec? dicere hic quidvis licet.
795
qui amat, tamen hercle, si esurit, nullum esurit.
sed eccúm progreditur cum corona et lampade
meus socius, compar, commaritus vilicus.
Olympio
Áge tibicen, dum íllam educunt húc novam nuptám foras,
suavi cantu concelebra omnem hanc plateam hymenaeo.
800
hymen hymenaee o hymen.
Lysidamvs
Quid agis, mea salus?
Olympio
Esurio hercle, atque adeo hau salubriter.
Lysidamvs
At ego amó.
Olympio
At ego hercle nihili facio. tibi amor pro cibost,
mihi ieiunitate iam dudum intestina murmurant.
Lysidamvs
Nam quid illaéc nunc tam diu intus remorantur remeligines?
805
quasi ob industriam, quanto ego plus propero, procedit minus.
Olympio
Quid si etiam suffundam hymenaeum, si qui citius prodeant?
Lysidamvs
Censeo, et ego te adiutabo in nuptiis communibus.
Lysidamvs Olympio
Hymen hymenaee o hymen.
Lysidamvs
Perii hercle ego miser, dirumpi hymenaeum cantando licet:
810
illo morbo quo dirumpi cupio, non est copia.
Olympio
Edepol ne tu, sí equos esses, esses indomabilis.
Lysidamvs
Quo argumento?
Olympio
Nimis tenax es.
Lysidamvs
Num me expertu'sexpertus esuspiam?
Olympio
Di melius faciant. sed crepuit ostium, exitur foras.
Lysidamvs
Di hercle me cupiunt servatum. iam oboluit Casinus procul.
Pardalisca
815
Sensim supera tolle limen pedes, mea nova nupta;
sospes iter incipe hoc, uti viro tuo
sémper sis superstes,
tuaque út potior polléntia sit vincásque virum victríxque sies,
tua vóx superet tuomque imperium: vir te vestiat, tu virum despolies.
820
noctúque et diu ut viro súbdola sis,
ópsecro, memento.
Olympio
Malo máxumo suo hercle ílico, ubi tántillum peccássit.
Lysidamvs
Tace.
Olympio
Nón taceo.
Lysidamvs
Quae rés?
Olympio
Mala malaé male monstrat.
Lysidamvs
Faciés tu hanc rém mi ex paráta imparátam.
id quaérunt volúnt, haec ut ínfecta fáciant.
Pardalisca
Age Olýmpio, quando vís, uxorem
830
áccipe hanc ab nobis.
Olympio
Date érgo, datúrae si umquam éstis hodie.
Lysidamvs
Abíte intro.
Pardalisca
Amábo, integrae átque imperítae huic
impército.
Olympio
Futurum est.
Pardalisca
Valéte.
Olympio
Ite iám.
Lysidamvs
Ite.
Pardalisca
Iám valete.
Lysidamvs
835
Iamne ábscessit úxor?
Olympio
835
Domíst, ne time.
Lysidamvs
835
Eúax,
nunc pól demum ego sum líber.
meúm corculúm, melculúm, verculum.
Olympio
Heús tu,
malo, sí sapies, cavébis;
meást haec.
Lysidamvs
Sció, sed meus fructus est prior.
Olympio
840
Tene hánc lampadem.
Lysidamvs
840
Ímmo ego hánc tenebo.
Venus múltipotens, bona múlta mihi
dedísti, huius cúm copiám mihi dedísti.
Olympio
O
corpúsculum malaculum,
mea uxórcula. quae res?
Lysidamvs
845
Quid est?
Olympio
845
Ínstitit plantam
quasi lúca bos.
Lysidamvs
Tacé sis,
nebula haúd est mollis aeque atque huius pectus est.
Olympio
Edepol papillam bellulam—ei misero mihi.
Lysidamvs
Quid est?
Olympio
Péctus mi icit non cubito, verum ariete.
Lysidamvs
850
Quid tu ergo hanc, quaeso, tractas tam dura manu?
at mihi, qui belle hanc tracto, non bellum facit.
Olympio
Vah.
Lysidamvs
Quid negotist?
Olympio
Opsecro, ut valentulast,
paene exposivit cubito.
Lysidamvs
Cubitum ergo ire volt.
Olympio
Quin imus ergo?
Lysidamvs
I, belle belliatula.—
Tap any Latin word to look it up