QUOTA E KALENDAE SINT MENSUUM SINGULORUM
POST IDUS, quas quisque suas habet ordine mensis,
diversae numero redeunt variante kalendae,
dum vertente anno 1 rursumque iterumque vocantur,
ut tandem optati procedant temporis ortu.
5
ter senis unoque die genialia festa
porrigit, ut Ianum arcessat nova bruma morantem.
hoc numero mensisque Numae redit autumnique
principium referens Bacchi September alumnus.
Iulius et Maius positusque in fine December
10
Octoberque die re vocatur tardius uno.
inde die redeunt minus uno quattuor ultra,
quos numero adiciam: Sextilis, Iunius atque
Aprilis, post quos paenultima meta November,
ter quinis unoque die, Iunonie Mavors,
15
ut redeas referasque exordia prima, cieris.
Hoc numero ad plenum vertens reparabitur annus.
Tap any Latin word to look it up