TUM studio effusae matres ad limina ducunt;
at chorus aequalis, pueri innuptaeque puellae,
versibus incomptis ludunt et carmina dicunt:
“O digno coniuncta viro, gratissima coniunx,
5
sis felix, primos Lucinae experta labores
et mater, cape Maeonii carchesia Bacchi.
sparge, marite, nuces; cinge haec altaria vitta,
flos veterum virtusque virum: tibi ducitur uxor,
omnes ut tecum meritis pro talibus annos
10
exigat et pulchra faciat te prole parentem.
fortunati ambo, si quid pia numina possunt,
vivite felices.” dixerunt " currite " fusis
concordes stabili fatorum numine Parcae.
Tap any Latin word to look it up